வெந்தயக்கீரை மீன் குழம்பு செய்வது எப்படி..

வெந்தயக்கீரையை மீன் குழம்புடன் சேர்த்து சமைக்கும் போது, மீன் குழம்பின் சுவை அதிகரிப்பதோடு, உப்பு, புளி, காரம் சரியான பக்குவத்தில் சேர்த்தால் கீரையின் கசப்புத்தன்மையே தெரியாமல் குழந்தைகள் கூட சாப்பிட்டு விடுவார்கள்!

தேவையான பொருட்கள் :

வஞ்சிரமீன் - 1/2 கிலோ
வெங்காயம் 200 கிராம்
தக்காளி - 350 கிராம்
பச்சை மிளகாய் - 2
மிளகாய் தூள் 2 டீ ஸ்பூன்
தனியாத்தூள் 2 டீ ஸ்பூன்
மஞ்சள் தூள், சீரகத்தூள் தலா - 1/2  டீ ஸ்பூன்
உப்பு - ருசிக்கு தேவையான அளவு
வெந்தயக்கீரை சிறிய கட்டு - 1
புளி - எலுமிச்சை அளவு

தாளிக்க :
 
நல்லெண்ணை - 3 டேபிள் ஸ்பூன்
கடுகு, சீரகம், சோம்பு, மிளகு - 1 டேபிள் ஸ்பூன்
பூண்டு - 6 பெரிய பல்
கறிவேப்பிலை - ஒரு கைப்பிடி
தேங்காய் பத்தை - 4 பத்தை
கொத்தமல்லி தழை - அரை கைப்பிடி

செய்முறை :

* மீனை கழுவி சுத்தம் செய்து துண்டுகளாக போடவும்.

* வெங்காயத்தை பொடியாக நறுக்கி கொள்ளவும்.

* தேங்காயை நைசாக அரைத்து கொள்ளவும்.

* வெந்தய கீரையை மண்ணில்லாமல் ஆய்ந்து கழுவி தண்ணீரை வடிக்கவும்.

* தக்காளியை நைசாக அரைத்து வைக்கவும்.

* கடாயை அடுப்பில் வைத்து எண்ணெய் ஊற்றி சூடானதும் கடுகு, சீரகம், சோம்பு, மிளகு சேர்த்து தாளித்து, பூண்டை தட்டி போட்டு வதக்கி, கருவேப்பிலை சேர்த்து, 2 நிமிடம் வதக்கவும்.

* அடுத்து அதில் வெங்காயத்தை போட்டு வதக்கவும்.

* வெங்காயம் வதங்கியதும் எல்லா மசாலா தூள் வகைகள், வெந்தயக்கீரை போட்டு நன்கு 2 நிமிடம் வதக்கவும்.

* மசாலா எல்லாம் பச்சை வாசனை போனவுடன் அரைத்த தக்காளியை சேர்த்து அரை டம்ளர் தண்ணீர் ஊற்றி 5 நிமிடம் கொதிக்க விடவும்.

* பிறகு புளியை ஒரு டம்ளர் தண்ணீரில் கரைத்து வடிகட்டி சேர்த்து 5 நிமிடம் கொதிக்கவிடவும்.

* கடைசியாக மீனையும், அரைத்த தேங்காயையும் சேர்த்து 20 நிமிடம் மிதமான தீயில் கொதிக்க விடவும்.

* குழம்பு பக்குவம் வந்தவுடன் கொத்துமல்லி தழை தூவி இறக்கவும்.

* சுவையான மணமான மருத்துவ குணம் நிறைந்த மேத்தி மீன் குழம்பு ரெடி.

குறிப்பு: வெந்தயமும், நல்லெண்ணையும் சேருவதால் வயிற்றுக்கு எந்த உபாதையும் அளிக்காது. உடல் சூட்டை தணிக்கும் குழம்பு. ப்ளெயின் ரைஸ், ரொட்டி, தோசை, ஆப்பம், குஸ்கா, அனைத்துக்கும் பொருந்தும்.